Chhutega Na Saath Kabhi Tera-Mera


Dil, Jaan, Aur Jigar Nisaar Karenge,
Pyaar Kiya Hai Aur Pyaar Karenge..!!

Kabhi Na Kabhi Toh Mil Jaoge Tum,
Hum Us Waqt Ka Intezaar Karenge..!!

Chhutega Na Saath Kabhi Tera-Mera,
Qayamat Tak Hum Aitbaar Karenge..!!

Karegi Salaam Har Pal Dhadkan Meri,
Hum Is Dil Ko Tera Darbaar Karenge..!!

Tere Naam Ke Saath Jude Mera Naam,
Hum Khud Ko Is Kabil Taiyaar Karenge..!!

Woh Din Bhi Aaye Kabhi Zindagi Mein,
Har Saans Par Tera Deedaar Karenge..!!

Sambhal Na Paaoge Tum Apne Dil Ko,
Itni Mohabbat Hum Aye Yaar Karenge..!!

Tujh Ko Bana Le Jo Mera Umar Bhar,
Har Hunar Woh Hum Iktiyaar Karenge..!!

Mil Jaaye Ab Humare Ishq Ko Makaam,
Khuda Se Yeh Dua Baar-Baar Karenge..!!